無論養貓定養狗，都知道同佢地剪指甲，真係慘過打仗，因為唔剪又唔得，指甲太長佢地會唔舒服，指甲可能會倒勾拮返去肉球到，但佢地通常都勁驚剪指甲，仲會掙扎逃走，仲會隨時被佢抓傷，郁嚟郁去用指甲鉗嘅話，佢地分分鐘會被剪到流血，因為指甲入面有血管同神經。

為左幫各位奴才解決呢個問題，今日同大家介紹Dremel 7020就啱晒大家用啦，雖然佢叫做「寵物指甲護理器」，但係簡單啲講就係一部「電動磨甲器」，一盒有一份多國語言說明書，圖文並荗嘅簡單指南，另外有四片磨砂片以及主機，主機機身長19cm，重300克，拎上手好易揸手，配四粒AA電使用。

安裝同埋更換磨片嘅方法都相當簡單，將透明保護殼以灰色蓋拆走，然後將金屬軸向下一拉，將磨片卡到金屬軸卡槽就可，然後鎖死就可以了。

操作方面，保護殼有兩個作用，斜面得以確保以45度角切入去磨甲，另外保護殼亦可以更換深度，就返你屋企貓貓及狗仔，3檔深度可防止唔會磨得太深，磨速總共有四段速，轉速由7000-18000 rpm，可以一級一級推上去，而且噪音設計都做得好好，較到最高速都唔會超過70分貝，<70db大約等於平時傾計聲，愈細聲當然愈好，因為等啲貓貓狗狗都唔會嚇親。

↓雞蛋妹實測↓

https://www.youtube.com/watch?v=gObnRP-6y6E

【試後感】
電動磨甲器比一般剪甲鉗安全，因為深度設計可以防止錯手剪得太入同埋用剪甲鉗緊張到手震，深度設計都可以幫助剪得更快，因為唔洗每次去度要剪幾多，只要揀好深度，就可以就咁用，佢唔使好大力咁㩒個肉球，速度同力度都唔使特別調較，另一個好重要嘅點就係，貓狗都用得我地，今日就試貓貓，貓貓指甲就冇狗狗咁長，試狗狗效果就應該更明顯。